«Lino Braxe quixo no ano 1997 estreita-la man de Lois Pereiro «na outra beira» (un ano despois da súa defunción) e nun poema titulado como o seu amigo. Asinábao este director de escena, o mesmo que conduciría a Luis Tosar ó determinado destino de Hamlet sobre as táboas. O vindeiro venres, a partir das 22.00 horas, Lino Braxe subirá ó Auditorio Municipal de Vigo xunto á actriz Antela Cid para estrear «Mundo Lois», un «espectáculo de emocións» para achegar a poesía do autor finado e ó que se adica o Día das Letras Galegas deste ano.
«Iremos dando vida ós poemas, en función do que din» cunha escenografía sinxela marcada por tres enormes pantallas, utensilios pequenos e algúns electrodomésticos como dous frigoríficos. Recarga-la escena «iría en contra da súa poesía que era brutal e moi forte pero como un bisturí, moi concreta. Irse a unha cousa barroca non tería sentido. Hai que sintetizar», defende Lino Braxe que ademais de actor é director desta montaxe ideada por Antón Reixa.
Tanto Braxe (Mugardos, 1963) como Cid irán representando poemas ó longo dunha hora entre proxeccións con escenografía audiovisual de Manu Paz, música en directo composta por Alexandre González incluíndo un guión escrito por Pereiro no seu día para a televisión galega no que incluíu un abecedario sobre o que era Galicia. Será neste momento, no que «haberá movementos de escena máis rápidos» para no resto, «crear atmósferas ó redor dos versos con música e imaxes nas pantallas que mostran cousas diferentes», explica o director do espectáculo.
A súa compañeira de reparto, Antela Cid (Vigo, 1984) –rostro tamén do documental de Eduardo Rolland «Novo Vigo vello»; así como da montaxe «Romeo e Xulieta» de Eduardo Alonxo para Teatro do Noroeste– explica que xa «coñecía os seus poemas pero agora a inmersión foi total. É moi curiosa a maneira que ten de expresar esa vitalidade inconformista e, tamén, a aceptación da morte coa que el xoga».
Neste traballo, Cid céntrase en emprega-las imaxes que propón o texto para interpretalas «da maneira máis física posible». Así é como pretende transmitir ó público «o significado da súa poesía», explica.
Trala súa estrea en Vigo, o espectáculo iniciará unha xira por Galicia para mostrar unha montaxe «innovadora», segundo os seus produtores cunha «linguaxe fresca» para intentar chegar ó público máis novo a esencia dunha das mellores poesías galegas da nosa literatura.» (Vía Faro de Vigo)
A Nosa Terra Antón Lopo Antón Losada Antón Patiño Antón Reixa Arturo Casas Camilo Franco Carlos Gegúndez Congreso Lois Pereiro Contra a morte Daniel Salgado Dorna Edicións Xerais Editorial Galaxia El País Francisco Castro Galicia Hoxe Iago Martínez José Luís Calvo La Voz de Galicia Lino Braxe Lois Pereiro Manu Clavijo Manuel Rivas Marcos Calveiro Mario Regueira María Xesús Nogueira Mercedes Queixas Mundo Lois O Leo Ondas Martenot Pere Gimferrer Poesiagalega.org Poesía última de amor e enfermidade Real Academia Galega Revista Loia Vari Caramés Vento Lois Vento Lois no Incio Xornal.com Xornal de Galicia Xosé Luís Méndez Ferrín Xosé Manuel Pereiro Xurxo Lobato Xurxo Souto
WP Cumulus Flash tag cloud by Roy Tanck and Luke Morton requires Flash Player 9 or better.
